‘டாக்டர்’ மற்றும் ‘அயலான்’ ஆகிய படங்களை முடித்திருக்கும் சிவகார்த்திகேயன், அடுத்ததாக லைகா புரொடக்ஷன் தயாரிப்பில் நடிக்கிறார். ‘டான்’ என்று தலைப்பு வைக்கப்பட்டிருக்கும் இப்படத்தை சிவகார்த்திகேயனின் எஸ்.கே புரொடக்ஷன்ஸ் நிறுவனம் முதல்பிரதி அடிப்படையில் தயாரிக்கிறது.
சிபி சக்ரவர்த்தி என்ற அறிமுக இயக்குநர் இயக்கும் இப்படத்திற்கு அனிருத் இசையமைக்கிறார். இப்படத்தின் அதிகாரப்பூர்வ அறிவிப்பு ஜனவரி மாதம் வெளியான நிலையில், தற்போது படத்தின் ஹீரோயின் மற்றும் முக்கிய கதாப்பாத்திரங்களில் நடிக்கும் நடிகர்கள் பற்றிய விவரங்களை படக்குழு வெளியிட்டுள்ளது.
அதன்படி, ‘டாக்டர்’ படத்தில் சிவகார்த்திகேயனுக்கு ஜோடியாக நடித்த பிரியங்கா மோகன், ‘டான்’ படத்திலும் ஜோடியாக நடிக்கிறார். காமெடி வேடத்தில் சூரி நடிக்க, இயக்குநர்கள் சமுத்திரக்கனி மற்றும் எஸ்.ஜே.சூர்யா ஆகியோர் முக்கிய கதாப்பாத்திரங்களில் நடிக்கிறார்கள்.
இந்த நிலையில், எஸ்.ஜே.சூர்யா டான் படத்தில் வில்லனாக நடிப்பதாக தகவல் ஒன்று கசிந்துள்ளது. அதே சமயம், எஸ்.ஜே.சூர்யாவின் கதாப்பாத்திரம் குறித்து படக்குழு அதிகாரப்பூர்வமான தகவல் எதையும் வெளியிடவில்லை, என்பது குறிப்பிடத்தக்கது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...