சன் தொலைக்காட்சியில் ஒளிபரப்பான ‘தெய்வமகள்’ சீரியல் பெரும் வரவேற்பு பெற்றதோடு, அந்த சீரியலின் நாயகியாக சத்யா என்ற வேடத்தில் நடித்த நடிகை வாணி போஜனும் தமிழகம் முழுவதும் பிரபலமடைந்தார். அவருக்கு என்று தனி ரசிகர்கள் வட்டமே உருவாகியுள்ளது.
‘தெய்வமகள்’ சீரியலை தொடர்ந்து ‘லட்சுமி வந்தாச்சு’ மற்றும் தொலைக்காட்சி நிகழ்ச்சிகளில் இடம்பெற்று வந்த வாணி போஜன், சினிமாவில் கதாநாயகியாக எண்ட்ரியாவதற்காக சீரியல்களில் நடிப்பதை குறைத்துக் கொண்டதோடு, தனது தெய்வமகள் சீரியலை வெற்றிகரமாக முடித்தும் கொடுத்தார்.
இதை தொடர்ந்து சினிமாவில் அறிமுகமான வாணி போஜன், தனது முதல் படத்தில் பெரிய வெற்றி கொடுத்ததால் அவருக்கு தொடர்ந்து சினிமா வாய்ப்புகள் வந்துக் கொண்டிருக்கின்றன. தற்போது தமிழ் மற்றும் தெலுங்கு சினிமாவில் கதாநாயகியாக பல படங்களில் நடித்து வரும் வாணி போஜன், வெப் சீரிஸ்களிலும் நடித்து வருகிறார்.
இந்த நிலையில், சினிமாவில் பிஸியாக இருக்கும் வாணி போஜன், மீண்டும் சீரியல் பக்கம் வரப்போகிறார். ஆனால், இது புதிய சீரியல் அல்ல, அவர் நடிப்பில் ஏற்கனவே ஒளிபரப்பான ‘தெய்வமகள்’ சீரியலின் மறு ஒளிபரப்பாகும். சன் தொலைக்காட்சியில் ஒளிபரப்பாகி வெற்றி பெற்ற இந்த சீரியல், மீண்டும் கலைஞர் தொலைக்காட்சியில் ஒளிபரப்பாக உள்ளது.
இதனால், ‘தெய்வமகள்’ சீரியல் ரசிகர்களும், வாணி போஜனை தினமும் பார்க்க வேண்டும், என்று ஏங்கும் அவருடைய ரசிகர்களும் உற்சாகமடைந்துள்ளனர்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...