பி.எஸ்.மித்ரன் இயக்கத்தில் கார்த்தி நடிக்கும் படத்திற்கு ‘சர்தார்’ என்று தலைப்பு வைக்கப்பட்டுள்ளது. சர்தார் என்ற பாரசீகத்தில் ‘தலைவன்’ அல்லது ‘படைத்தளபதி’ என்று அர்த்தமாம்.
பிரின்ஸ் பிக்சர்ஸ் சார்பில் எஸ்.லக்ஷ்மன்குமார் தயாரிக்கும் இப்படத்தில் ராஷி கண்ணா, ரஜிஷா விஜயன் ஆகியோர் கதாநாயகிகளாக நடிக்கிறார்கள். இவர்களுடன் சிம்ரன், முரளி ஷர்மா, முனீஷ்காந்த், இளவரசு உள்ளிட்ட பல முன்னணி நட்சத்திரங்கள் நடிக்க, பிரபல பாலிவுட் நடிகர் சுயாஸ் பாண்டே, இப்படத்தின் மூலம் தமிழ் சினிமாவில் வில்லனாக அறிமுகமாகிறார்.
கார்த்தி பல்வேறு வேடங்களில் நடிக்கும் இப்படத்தின் கதை வெவ்வேறு விதமான இடங்களில் நடப்பது போன்று அமைக்கப்பட்டிருப்பதால், படம் மிகப்பெரிய பொருட்ச்செலவில் மிக பிரம்மாண்டமான முறையில் உருவாக உள்ளது. தென்காசி தொடங்கி சென்னை மற்றும் வட இந்தியாவின் பல்வேறு இடங்களில் படப்பிடிப்பு நடத்த படக்குழு திட்டமிட்டுள்ளது.
ஜி.வி.பிரகாஷ்குமார் இசையமைக்கும் இப்படத்திற்கு ஜார்ஜ் சி.வில்லியம்ஸ் ஒளிப்பதிவு செய்கிறார். ரூபன் கலையை நிர்மாணிக்க, எம்.ஆர்.பொன்பார்த்திபன், ரோஜூ, பிபின்ரகு ஆகியோர் கதை, வசனம் எழுதுகிறார்கள். யுகபாரதி பாடல்கள் எழுத, திலீப் சுப்பராயன் சண்டைக்காட்சிகளை வடிவமைக்கிறார்.
சமீபத்தில் படப்பிடிப்பை தொடங்கிய ‘சர்தார்’ படக்குழு படத்தின் பர்ஸ்ட் லுக்கையும் வெளியிட்டுள்ளது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...