கொரோனாவால் பாதிக்கப்படும் சினிமா பிரபலங்கள் பலர் உயிரிழக்கும் சம்பவம் தொடர்ந்துக் கொண்டிருப்பதால் திரையுலகினரிடையே பெரும் அச்சம் ஏற்பட்டுள்ளது.
இயக்குநர்கள் தாமிரா, கே.வி.ஆனந்த், நடிகர்கள் மாறன், ஜோக்கர் துளசி உள்ளிட்ட பல்லர் கொரோனா பாதிப்பால் மரணமடைந்த நிலையில், பிரபல குணச்சித்திர நடிகரான நிதிஷ் வீரா கொரோனா பாதிப்பால் மரணமடைந்த சம்பவம் பெரும் அதிர்ச்சியை ஏற்படுத்தியுள்ளது.
விஜயகாந்தின் ‘வல்லரசு’ படம் மூலம் நடிகராக அறிமுகமான வீரா, ’புதுப்பேட்டை’, ‘வெண்ணிலா கபடி குழு’, ’படைவீரன்’, ‘காலா’, ‘அசுரன்’ உள்ளிட்ட பல படங்களில் நடித்திருபவர், வில்லன் மற்றும் குணச்சித்திர வேடங்களில் நடித்து வந்தவர், கடந்த சில நாட்களுக்கு முன்பு கொரோனாவால் பாதிக்கப்பட்டார்.
இதையடுத்து மருத்துவமனையில் அனுமதிக்கப்பட்டு தீவிர சிகிச்சை பெற்று வந்த நடிகர் நிதிஷ் வீரா, இன்று சிகிச்சை பலன் இன்றி உயிரிழந்ததாக தகவல் வெளியாகியுள்ளது.
மேலும், ‘கனா’ படம் மூலம் இயக்குநராக அறிமுகமான நடிகர் அருண்ராஜா காமராஜாவின் மனைவி சிந்துஜாவும், கொரோனா தொற்றால் பாதிக்கப்பட்டு சிகிச்சை பெற்று வந்த நிலையில், நேற்று நள்ளிரவு சிகிச்சை பலன் இன்றி உயிரிழந்துவிட்டதாக கூறப்படுகிறது.
ட்ரீம் ஹவுஸ் நிறுவனம் சார்பில், இயக்குநர் ஹாருன் தயாரித்து, எழுதி, இயக்க, சோனியா அகர்வால், ஸ்ம்ருதி வெங்கட் நடிப்பில், மாறுபட்ட மிரட்டலான ஹாரர் திரில்லராக உருவாகியுள்ள 7G திரைப்படம் உலகமெங்கும் ஜூலை 5 ஆம் தேதி வெளியாகிறது...
ஒலிம்பியா மூவீஸ், மக்களை மகிழ்விக்கும் வகையிலான பல பொழுதுபோக்கு திரைப்படங்களை வெளியிட்டு வருகிறது...
சமீபத்தில் வெளியான டிரெய்லரைத் தொடர்ந்து எட்டுதிக்கும் ’கல்கி 2898 கிபி’ படத்தின் பேச்சாகவே இருக்கிறது...