தமிழ் சினிமாவின் முன்னணி பாடலாசிரியர்களில் ஒருவரான சினேகன், கதாநாயகன் அவதாரம் எடுத்து சில படங்களில் நடித்தார். ஆனால், அந்த படங்கள் எதிர்ப்பார்த்த வெற்றி பெறாததால் தொடர்ந்து நடிகராக வெற்றிபெற போராடி வந்தவர், பிக் பாஸ் நிகழ்ச்சியில் போட்டியாளராக கலந்துக் கொண்டு தமிழகத்தின் பட்டிதொட்டியெல்லாம் பிரபலமடைந்தார்.
பிக் பாஸில் கிடைத்த ரசிகர் வட்டத்தின் மூலம் எப்படியாவது நடிகராக வெற்றி பெற்றுவிடுவார், என்று பார்த்தால், அதற்குள் நடிகர் கமல்ஹாசன் தொடங்கிய மக்கள் நீதி மய்யம் கட்சியில் இணைந்து அரசியல் பயணத்தை தொடங்கினார். இதையடுத்து நடந்து முடிந்த தமிழக சட்டமன்ற தேர்தலில் ம.நீ.ம சார்பில் சென்னை விருகம்பாக்கம் தொகுதியில் போட்டியிட்ட சினேகன், தோல்வியை தழுவினார்.
இருந்தாலும், மக்கள் நீதி மய்யம் கட்சியில் இருந்து விலகாமல் அக்கட்சியில் தொடர்ந்து பயணிக்கும் முடிவில் இருக்கும் சினேகன், அதேபோல் நடிகராகவும், பாடலாசிரியராகவும் தமிழ் சினிமாவில் தொடர்ந்து பயணிக்கவும் முடிவு செய்துள்ளார்.
இந்த நிலையில், சினேகனுக்கு விரைவில் திருமணம் நடைபெற இருப்பதாக தகவல் வெளியாகியுள்ளது. அவருடைய திருமண தகவல் தற்போது கோலிவுட்டில் தீயாக பரவி வந்தாலும், அவர் திருமணம் செய்ய இருக்கும் பெண் யார்? என்ற தகவல் இதுவரை வெளியாகவில்லை.
எனவே, சினேகனின் திருமணம் பற்றி பேசுபவர்கள், பெண் யார் தெரியுமா? என்று கேட்கவும் செய்கிறார்கள்.
ட்ரீம் ஹவுஸ் நிறுவனம் சார்பில், இயக்குநர் ஹாருன் தயாரித்து, எழுதி, இயக்க, சோனியா அகர்வால், ஸ்ம்ருதி வெங்கட் நடிப்பில், மாறுபட்ட மிரட்டலான ஹாரர் திரில்லராக உருவாகியுள்ள 7G திரைப்படம் உலகமெங்கும் ஜூலை 5 ஆம் தேதி வெளியாகிறது...
ஒலிம்பியா மூவீஸ், மக்களை மகிழ்விக்கும் வகையிலான பல பொழுதுபோக்கு திரைப்படங்களை வெளியிட்டு வருகிறது...
சமீபத்தில் வெளியான டிரெய்லரைத் தொடர்ந்து எட்டுதிக்கும் ’கல்கி 2898 கிபி’ படத்தின் பேச்சாகவே இருக்கிறது...