தமிழ் சினிமாவை சேர்ந்த நடிகர்கள் மற்றும் தொழில்நுட்ப கலைஞர்கள் பலர் கொரோனாவால் பாதிக்கப்பட்டு உயிரிழக்கும் சம்பவங்கள் தொடர்ந்து அதிகரித்து வருவதால், திரையுலகினர் அச்சத்தில் இருக்கும் நிலையில், இன்று மேலும் ஒரு இளம் நடிகர் கொரோனாவால் உயிரிழந்த சம்பவம் பெரும் சோகத்தை ஏற்படுத்தியுள்ளது.
‘தொரட்டி’ என்ற படம் மூலம் கதாநாயகனாக அறிமுகமானவர் ஷமன்மித்ரு. சென்னை திரைப்பட கல்லூரியில் படித்து தங்கப் பதக்கம் வென்ற இவர், தமிழ், தெலுங்கு, கன்னட திரைப்படங்களில் ஒளிப்பதிவாளராக பணியாற்றி வந்தாலும், நடிகராக வேண்டும் என்பதற்காக ‘தொரட்டி’ என்ற படத்தை தயாரித்து, அதில் கதாநாயகனாகவும் நடித்து பாராட்டு பெற்றார்.
அடுத்த படத்திற்கான வேலைகளை துவங்கிய நேரத்தில், கொரோனாவால் பாதிக்கப்பட்ட நடிகர் ஷமன்மித்ரு, தனியார் மருத்துவமனையில் அனுமதிக்கப்பட்டு கடந்த ஒரு மாதமாக சிகிச்சை பெற்று வந்தவர், இன்று சிகிச்சை பலன் இன்றி உயிரிழந்தார்.
43 வயதாகும் நடிகர் ஷமன்மித்ருவுக்கு சகுந்தலா என்ற மனைவியும், மோக்ஷா என்ற 5 வயது பெண் குழந்தையும் உள்ளனர்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...