திரைப்படங்கள் மற்றும் தொலைக்காட்சி தொடர்களை தயாரித்து வரும் நடிகை ராதிகாவின் ராடான் மீடியா ஒர்க்ஸ் நிறுவனம் இணைய தொடர் தயாரிப்பில் ஈடுபட்டுள்ளது. அந்நிறுவனம் தயாரிக்கும் முதல் இணைய தொடருக்கு ‘இரை’ என்று தலைப்பு வைக்கப்பட்டுள்ளது.
சரத்குமார் முதன்மை கதாப்பாத்திரத்தில் நடிக்கும் இந்த இணைய தொடரை ‘தூங்காவனம்’ மற்றும் ‘கடாரம் கொண்டான்’ படங்களை இயக்கிய ராஜேஷ் எம்.செல்வா இயக்குகிறார்.
பரபரப்பான க்ரைம் திரில்லர் ஜானர் இணைய தொடராக உருவாகும் ‘இரை’-யின் படப்பிடிப்பு இன்று எளிமையான பூஜையுடன் தொடங்கியது.
இந்த இணைய தொடர் குறித்து தயாரிப்பாளர் ராதிகா சரத்குமார் கூறுகையில், “எங்கள் ராடான் மீடியா ஒர்க்ஸ் குடும்ப ரசிகர்களின் ரசனையை முதன்மையாக கொண்டு இயங்கும் நிறுவனம் ஆகும். கடந்த பல வருடங்களாக பொழுதுபோக்கு உலகின், பல்வேறு துறைகளில் குடும்பங்கள் இணைந்து கொண்டாடும், பல கதைகளை வழங்கி பல அற்புதமான வெற்றிகளை பெற்றுள்ளது இந்நிறுவனம். பல வித்தியாசமான படைப்புகளை இந்த தலைமுறையிலும் வழங்க, இந்த வெற்றிகள் பெரும் ஊக்கமாக இருந்து வருகிறது. ஒடிடி தளத்தில் எங்களது அறிமுக தயாரிப்பான ’இரை’ இணைய தொடர், எப்போதும் போல் குடும்ப ரசிகர்கள் அனைவரும் ரசிக்கும்படியான அனைத்து அம்சங்களும் பொருந்திய அற்புதமான கதையாகும். இந்த இணைய தொடர் க்ரைம் திரில்லர் வகையில் உருவானாலும், உறவுகள் மற்றும் குடும்ப செண்டிமெண்ட் அம்சங்களும் நிறைந்ததாக இருக்கும்.” என்றார்.
ஜிப்ரான் இசையமைக்கும் இத்தொடருக்கு யுவராஜ் ஒளிப்பதிவு செய்ய, சசி கலையை நிர்மாணிக்கிறார். சில்வா சண்டைக்காட்சிகளை வடிவமைக்க ஷான் லோகேஷ் படத்தொகுப்பு செய்கிறார்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...