காஜல் அகர்வால் நடிப்பில் உருவாகும் ஹாரர் கலந்த காமெடி படமான ‘கோஷ்டி’-யின் படப்பிடிப்பை முடிவடைந்தது. சுதன் சுந்தரம், ஜி.ஜெயராம் ஆகியோர் இணைந்து தயாரித்துள்ள இப்படத்தை எஸ்.கல்யாண் இயக்குகிறார்.
இப்படத்தின் அனைத்து வசன காட்சிகளும் படமாக்கப்பட்ட நிலையில், படத்தின் புரோமோ பாடல் ஒன்று மட்டும், கொரோனா பரவல் காரணமாக படமாக்கப்படாமல் இருந்தது. தற்போது கொரோனா கட்டுக்குள் வந்ததை தொடர்ந்து அரசு திரைப்பட படப்பிடிப்புகளுக்கு அனுமதி வழங்கியதால், ‘கோஷ்டி’ படக்குழுவினர் அனைத்து சுகாதார நெறிமுறைகளையும் கடைபிடித்து, படத்தின் புரோமோ பாடலை படமாக்கி முடித்துள்ளனர். இதன் மூலம் ‘கோஷ்டி’ படத்தின் அனைத்து படப்பிடிப்புகளும் நிறைவு பெற்றுள்ளது.
காஜல் அகர்வால் முதன்மை கதாப்பாத்திரத்தில் நடித்திருக்கும் இப்படத்தில், இயக்குநர் கே.எஸ்.ரவிக்குமார், யோகி பாபு, சுப்பு பஞ்சு அருணாச்சலம், மொட்ட ராஜேந்திரன், யோகிபாபு, சத்யன், ஊர்வசி, தேவதர்ஷினி, சுரேஷ் மேனன், ஶ்ரீமன், மனோபாலா, மயில்சாமி, சாமிநாதன், லிவிங்ஸ்டன், மதன்பாபு, சந்தான பாரதி, நரேன், தங்கதுரை உள்ளிட்ட மிகப்பெரிய நட்சத்திர பட்டாளமே நடித்திருக்கிறார்கள்.
சாம் சி.எஸ் இசையமைக்கும் இப்படத்திற்கு ஜேக்கப் ரத்தினராஜ் ஒளிப்பதிவு செய்துள்ளார். கோபி ஆனந்த் கலையை நிர்மாணிக்க விஜய் வேலுக்குட்டி படத்தொகுப்பு செய்கிறார். பில்லா ஜெகன் சண்டைக்காட்சிகளை வடிவமைக்க, விவேக், கு.கார்த்திக் ஆகியோர் பாடல்கள் எழுதியுள்ளனர்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...