வித்தியாசமான கதைகளை தேர்வு செய்து நடித்து வரும் அருள்நிதியின் புதிய படத்திற்கு ‘தேஜாவு’ என்று தலைப்பு வைக்கப்பட்டுள்ளது. மிஸ்டரி திரில்லர் திரைப்படமாக உருவாகும் இப்படத்தின் பஸ்ட் லுக்கை அருள்நிதி பிறந்தநாளை முன்னிட்டு இன்று (ஜூலை 21) படக்குழு வெளியிட்டுள்ளது.
மதுபாலா, அச்சுத குமார், ஸ்முருதி வெங்கட், மைம் கோபி, காளி வெங்கட், சேத்தன் உள்ளிட்ட பல முன்னணி நடிகர், நடிகைகள் முக்கிய கதாப்பாத்திரத்தில் நடிக்கும் இப்படத்தை அறிமுக இயக்குநர் அரவிந்த் ஸ்ரீநிவாசன் இயக்குகிறார். வைட் கார்பெட் பிலிம்ஸ் சார்பில் கே.விஜய் பாண்டி தயாரிக்கும் இப்படத்திற்கு ஒளிப்பதிவு செய்வதோடு, தனது பிஜி மீடியா ஒர்க்ஸ் நிறுவனத்தின் மூலம் இணை தயாரிப்பு பணியையும் பி.ஜி.முத்தையா கவனிக்கிறார். ஜிப்ரான் இசையமைக்க, அருள்.இ சித்தார்த் படத்தொகுப்பு செய்கிறார்.
தமிழ் மற்றும் தெலுங்கு என இரண்டு மொழிகளில் உருவாகும் இப்படத்தின் தெலுங்கு பதிப்பில் நவீன் சந்திரா நாயகனாக நடித்து வருகிறார்.
தற்போது படத்தின் இறுதிக்கட்டப் பணிகள் நடைபெற்று வரும் நிலையில், அருள்நிதியின் பிறந்தநாளை முன்னிட்டு படத்தின் பஸ்ட் லுக்கை நடிகர் விஜய் சேதுபதி, இயக்குநர் வெங்கட் பிரபு, இசையமைப்பாளர் தமன் ஆகியோர் அவர்களது சமூக வலைதளப் பக்கத்தில் வெளியிட்டுள்ளனர்.
பஸ்ட் லுக்குடன் படத்தின் நடிகர் நடிகைகள் மற்றும் தொழில்நுட்ப கலைஞர்கள் பற்றிய தகவல்களை வெளியிட்ட படக்குழு, ‘தேஜாவு’ என்பதற்கான அர்த்தத்தை வெளியிடவில்லை என்பது குறிப்பிடத்தக்கது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...