தொடர்ந்து வெற்றித் திரைப்படங்களை தயாரித்து வரும் தயாரிப்பு நிறுவனங்களில் ஸ்டுடியோ கிரீன் மற்றும் திருக்குமரன் எண்டர்டெயின்மெண்ட் நிறுவனங்கள் முக்கியமானவை. ஸ்டுடியோ கிரீன் சார்பில் கே.இ.ஞானவேல்ராஜாவும், திருக்குமரன் எண்டர்டெயின்மெண்ட் சார்பில் சி.வி.குமாரும் இணைந்து தயாரித்த படங்கள் அனைத்தும், வித்தியாசமான கதையம்சம் கொண்ட படங்களாக மட்டும் இன்றி, வியாபர ரீதியாக வரவேற்பு பெறும் படங்களாகவும் இருப்பதால், இந்த கூட்டணிக்கு மவுசு அதிகம்
அந்த வகையில், ’அட்டகத்தி’, ‘சூது கவ்வும்’, ‘இன்று நேற்று நாளை’, ‘பீட்சா 2 : வில்லா’, காதலும் கடந்து போகும்’, ‘இறைவி’ என இதுவரை ஆறு திரைப்படங்களை இணைந்து தயாரித்திருக்கும் இந்த நிறுவனங்கள், தற்போது ஏழாவது முறையாக கூட்டணி அமைத்துள்ளது.
இந்த வெற்றி கூட்டணியின் ஏழாவது படத்தை இயக்குநர் வடிவேலு இயக்குகிறார். கிராமிய நகைச்சுவை திரைப்படமான ‘அண்டாவ காணோம்’ படத்தின் மூலம் இயக்குநராக அறிமுகமான வடிவேலுக்கு இது இரண்டாவது படமாகும்.
’கேங்க்ஸ் ஆஃப் மெட்ராஸ்’ மற்றும் விரைவில் வெளியாக உள்ள ‘ஜாங்கோ’ உள்ளிட்ட படங்களுக்கு ஒளிப்பதிவு செய்துள்ள கார்த்திக் கே.தில்லை ஒளிப்பதிவு செய்யும் இப்படத்திற்கு லியோ ஜான் பால் படத்தொகுப்பு செய்கிறார்.
மிகப்பெரிய பட்ஜெட்டில் பிரம்மாண்டமான திரைப்படமாக உருவாகும், இன்னும் தலைப்பு வைக்கப்படாத இப்படத்தின் நடிகர், நடிகை மற்றும் தொழில்நுட்ப கலைஞர்களின் விவரங்களை படக்குழு விரைவில் வெளியிட உள்ளது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...