சமூக வலைதளங்களின் வளர்ச்சியின் காரணமாக தனி இசை பாடல்கள் மக்களிடம் பெரும் வரவேற்பை பெற்று வருகிறது. குறிப்பாக வீடியோ வடிவில் வெளியாகும் தனி இசை பாடல்களுக்கு மக்களிடம் கிடைக்கும் வரவேற்பு நாளுக்கு நாள் அதிகரித்து வருவதால், திரை நட்சத்திரங்கள் இதுபோன்ற பாடல்களில் நடிப்பதில் ஆர்வம் காட்டி வருகிறார்கள்.
இந்த நிலையில், நடிகர் சாந்தனுவும், நடிகை மஹிமா நம்பியாரும் தனி இசை ஆல்பம் ஒன்றுக்காக இணைந்துள்ளனர். “குண்டுமல்லி...” என்று தொடங்கும் இந்த பாடல் தமிழ் மற்றும் மலையாளம் என இரு மொழிகளில் வெளியாகி மக்களிடம் பெரும் வரவேற்பு பெற்றுள்ளது.
நடிகர் ஆதவ் கண்ணதாசன் இயக்கத்தில், எம்.கே.ஆர்.பி புரொடக்ஷன்ஸ் சார்பில் ராம் பிரசாத் மற்றும் ஷரண் தயாரித்துள்ள, உற்சாகமான காதல் பாடலான “குண்டுமல்லி...” பாடலை சரிகமா ஒரிஜினல்ஸ் நிறுவனம் வெளியிட்டுள்ளது.
சாந்தனு தனது துறுதுறு நடிப்பால் கவர்கிறார். மஹிமா நம்பியார் தனது முகபாவங்களால் மனங்களை கொள்ளை கொள்கிறார்.
இந்தப் பாடலுக்கு ஜெரார்ட் ஃபெலிக்ஸ் இசையமைத்து, நித்யஸ்ரீயுடன் இணைந்து தமிழ் பதிப்பை பாடியுள்ளார். திமுகவின் சட்டமன்றத் தேர்தல் பிரச்சார கீதமான 'ஸ்டாலின் தான் வாராரு' பாடலுக்கு இசையமைத்தது ஜெரார்ட் ஃபெலிக்ஸ் தான் என்பது குறிப்பிடத்தக்கது.
கே.எஸ்.ஹரிஷங்கர் மற்றும் நித்யஸ்ரீ குண்டுமல்லி பாடலின் மலையாள பதிப்பை பாடியுள்ளனர். குண்டுமல்லி பாடலுக்கான தமிழ் வரிகளை விவேக் ரவியும்,
மலையாள வரிகளை ரஃபீக்கும் எழுதியுள்ளனர். திருமணம் செய்து கொள்ள போகும் ஜோடியின் உணர்வுகளை பாடல் வரிகள் அழகாக வெளிப்படுத்தியுள்ளன.
ஒளிப்பதிவை மாதேஷ் மாணிக்கம் மேற்கொள்ள, படத்தொகுப்பை கார்த்திக் மனோரமா கவனிக்க, கலை இயக்கத்தை தினேஷ் செய்துள்ளார். காயத்ரி ரகுராம் இந்தப் பாடலுக்கு நடனம் அமைத்துள்ளார்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...