கதாநாயகிகளை மையப்படுத்திய கதைகளில் நடிப்பதில் தீவிரம் காட்டி வரும் சமந்தா, ‘யசோதா’ என்ற திரைப்படத்தின் கதையின் நாயகியாக எழுத்தாளர் கதாப்பாத்திரத்தில் நடிக்கிறார். அறிமுக இயக்குநர்கள் ஹரி - ஹரிஷ் கூட்டணியில் உருவாகும் இப்படத்தை ஸ்ரீதேவி மூவிஸ் சார்பில் சிவலெங்கா கிருஷ்ண பிரசாத் தயாரிக்கிறார்.
வரலட்சுமி சரத்குமார், உன்னி முகுந்தன் உள்ளிட்ட பல முன்னணி நட்சத்திரங்கள் முக்கிய கதாப்பாத்திரத்தில் நடிக்கும் இப்படத்தின் முதல்கட்ட படப்பிடிப்பு கடந்த டிசம்பர் 6 ஆம் தேதி தொடங்கிய நிலையில் தற்போது நிறைவடைந்துள்ளது. இதையடுத்து இரண்டாம் கட்டப்படப்பிடிப்பு ஜனவரி 3 ஆம் தேதி முதல் 12 ஆம் தேதி வரையிலும், இறுதிகட்ட படப்பிடிப்பு ஜனவரி 20 ஆம் தேதி முதல் மார்ச் 31 ஆம் தேதி வரையிலும் நடைபெறவுள்ளது.
மிகப்பெரிய பட்ஜெட்டில் தமிழ் மற்றும் தெலுங்கு என இரு மொழிகளில் உருவாகும் இப்படம், கன்னடம், மலையாளம், இந்தி ஆகிய மொழிகளிலும் வெளியாக உள்ளது.
மணி சர்மா இசையமைக்கும் இப்படத்திற்கு எம்.சுகுமார் ஒளிப்பதிவு செய்கிறார். மார்த்தாண்ட் கே.வெங்கடேஷ் படத்தொகுப்பு செய்ய, அசோக் கலையை நிர்மாணிக்கிறார். புலகம் சின்னராயனா, டாக்டர்.சல்லா பாக்ய லட்சுமி ஆகியோர் வசனம் எழுத, ராமஜோகையா சாஸ்திரி பாடல் எழுதுகிறார்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...