இயக்குநராக பல வெற்றி படங்களை கொடுத்த பிரபுதேவா, தற்போது நடிகராக தொடர்ந்து நடித்து வருவதோடு, வித்தியாசமான வேடங்களில் நடிப்பதில் ஆர்வம் காட்டி வருகிறார். அதன்படி, அவருடைய வித்தியாசமான நடிப்பில் சமீபத்தில் வெளியான ‘தேள்’ பெரும் வரவேற்பு பெற்ற நிலையில், பிரபுதேவாவின் புதிய படத்தின் முதல் பார்வை வெளியாகி பெரும் வரவேற்பு பெற்றுள்ளது.
‘முசாசி’ என்று தலைப்பு வைக்கப்பட்டுள்ள இப்படத்தை அறிமுக இயக்குநர் ஷாம் ரோட்ரிக்ஸ் இயக்குகிறார். ஆக்ஷன் மற்றும் பொழுதுபோக்கு திரைப்படமாக உருவாகும் இப்படத்தின் முதல் பார்வையை இயக்குநர் லோகேஷ் கனகராஜ் தனது சமூக வலைதளப் பக்கத்தில் இன்று வெளியிட்டார்.
சவாலான போலீஸ் அதிகாரி வேடத்தில் நடிக்கும் பிரபுதேவாவிற்கு இந்த படத்தில் ஜோடியில்லை. இவருடன் நடிகர்கள் ஜான் விஜய், விடிவி கணேஷ், ஜார்ஜ் மரியான், மலையாள நடிகர் பினு பப்பு, அருள்தாஸ், ‘மாஸ்டர்’ மகேந்திரன், 'பழைய ஜோக்' தங்கதுரை, மகேஷ், மலையாள நடிகை லியோனா லிஷாய் உள்ளிட்ட பலர் நடிக்கிறார்கள்.
விக்னேஷ் ஒளிப்பதிவு செய்யும் இந்தப் படத்திற்கு, எஸ். என். பிரசாத் இசையமைக்கிறார். ஜாய் ஃபிலிம் பாக்ஸ் எண்டர்டெய்ன்மெண்ட் நிறுவனம் சார்பில் ஜான் பிரிட்டோ தயாரித்திருக்கிறார்.
பிரபுதேவாவின் கம்பீரமான தோற்றத்தோடும், வித்தியாசமான தலைப்போடும் வெளியாகியிருக்கும் ‘முசாசி’ பட முதல் பார்வை ரசிகர்களிடம் பெரும் வரவேற்பு பெற்றதோடு, இணையத்தில் வைரலாகியும் வருகிறது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...