தெலுங்கு சினிமாவின் முன்னணி இளம் நாயகனாக ராம் பொத்தினேனி, லிங்குசாமி இயக்கத்தில் உருவாகும் ‘தி வாரியர்’ படம் மூலம் தமிழ் சினிமாவில் அறிமுகமாகிறார். தமிழ் மற்றும் தெலுங்கில் உருவாகும் இப்படத்தில் நடித்து வரும் ராம் பொத்தினேனி, பாலகிருஷ்ணா நடிப்பில் சமீபத்தில் வெளியாகி மாபெரும் வெற்றி பெற்ற ‘அகாண்டா’ உள்ளிட்ட பல வெற்றி படங்களை இயக்கிய பிரபல தெலுங்கு இயக்குநர் போயபதி ஸ்ரீனுவுடன் கைகோர்த்துள்ளார்.
’தி வாரியர்’ படத்தை தயாரித்து வரும் ஸ்ரீனிவாசா சில்வர் ஸ்கிரீன் ஸ்ரீனிவாசா சித்தூரி தான் இந்த புதிய படத்தையும் தயாரிக்கிறார். அடுத்தடுத்து இரண்டு பிரமாண்ட வெற்றிகளை கொடுத்தவர், தற்போது ராம் பொத்தினேனியின் ‘தி வாரியர்’ படத்தை தயாரித்து வருவதோடு, அடுத்ததாகவும் அவர் நடிக்கும் படத்தை தயாரிப்பது மிகப்பெரிய எதிர்ப்பார்ப்பை ஏற்படுத்தியுள்ளது.
இந்த மூன்று பிரபலங்களும் இணைந்துள்ள இப்படம் இந்திய பன்மொழி திரைப்படமாக உருவாக உள்ள இப்படத்தின் தலைப்பு, நாயகி, பிற நடிகர் நடிகைகள் மற்றும் தொழில்நுட்ப கலைஞர்கள் விவரங்கள் விரைவில் அதிகாரப்பூர்வமாக படக்குழு அறிவிக்க உள்ளது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...