பரியேறும் பெருமாள்’ மற்றும் ‘கர்ணன்’ ஆகிய படங்களை இயக்கிய மாரி செல்வராஜ் இயக்கத்தில் உதயநிதி ஸ்டாலின் நடிக்கும் படத்திற்கு ‘மாமன்னன்’ என்று தலைப்பு வைக்கப்பட்டுள்ளது. ஏ.ஆர்.ரஹ்மான் இசையமைக்கும் இப்படத்தில் நாயகியாக கீர்த்தி சுரேஷ் நடிக்கிறார். உதயநிதியின் ரெட் ஜெயண்ட் மூவிஸ் நிறுவனம் தயாரிக்கும் இப்படம் படப்பிடிப்பு தொடங்குவதற்கு முன்பாக மிகப்பெரிய எதிர்ப்பார்ப்பை உருவாக்கியது. அதற்கு காரணம், இப்படம் தான் உதயநிதி நடிக்கும் கடைசி திரைப்படம் என்றும், இப்படத்திற்குப் பிறகு அவர் தீவிர அரசியலில் கவனம் செலுத்த இருப்பதால் சினிமாவுக்கு முழுக்கு போடவும் முடிவு செய்திருப்பதாக சொல்லப்படுகிறது.
இந்த நிலையில், இயக்குநர் மாரி செல்வராஜ் - உதயநிதி இணையும் படத்திற்கு ‘மாமன்னன்’ என்று தலைப்பு வைக்கப்பட்டுள்ளது. மேலும், இப்படத்தின் படப்பிடிப்பு பூஜையுடன் இன்று தொடங்கியது. ரெட் ஜெயண்ட் மூவிஸ் நிறுவனம் தயாரிக்கும் 15 வது திரைப்படம் இதுவாகும்.
இப்படத்தில் வடிவேலு, பகத் பாசில் உள்ளிட்ட பல முன்னணி நட்சத்திரங்கள் முக்கியமான கதாப்பாத்திரங்களில் நடிக்கிறார்கள்.
தேனி ஈஸ்வர் ஒளிப்பதிவு செய்யும் இப்படத்திற்கு செல்வா ஆர்.கே படத்தொகுப்பு செய்கிறார். யுகபாரதி பாடல்கள் எழுத, சாண்டி நடனம் அமைக்கிறார். குமார் அகங்கப்பன் கலையை நிர்மாணிக்கிறார்.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...