தயாரிப்பாளர் போனி கபூர் அஜித்தின் 61 வது படத்தின் அறிவிப்பை வெளியிடுவார் என்று ரசிகர்கள் எதிர்ப்பார்ப்பில் இருக்க, அவரோ திடீரென்று ஆர்.ஜே.பாலாஜியை ஹீரோவாக வைத்து தயாரிக்கும் படத்தின் அறிவிப்பை வெளியிட்டுள்ளார்.
இந்தியில் மிகப்பெரிய வரவேற்பு பெற்ற ‘பதாய் ஹோ’ படத்தின் தமிழ் ரீமேக் ஆக உருவாகும் இப்படத்திற்கு ‘வீட்ல விசேஷம்’ என்று தலைப்பு வைக்கப்பட்டுள்ளது. ஆர்.ஜே.பாலாஜி ஹீரோவாக நடிப்பதோடு, என்.ஜே.சரவணனுடன் இணைந்து இயக்கவும் செய்கிறார்.
இதில், ஆர்.ஜே.பாலாஜிக்கு ஜோடியாக அபர்ணா முரளி நடிக்க, இவர்களுடன் சத்யராஜ், ஊர்வசி முக்கியமான கதாப்பாத்திரத்தில் நடித்திருக்கிறார்கள். இவர்களுடன் மறைந்த நடிகை கே.பி.ஏ.சி லலிதா, சீமா, ரமா, பிரதீப் கோட்டயம், புகழ், ஷிவானி நாராயணன், யோகி பாபு, ரவிக்குமார் மேனன், ஷங்கர் சுந்தரம் உள்ளிட்ட பலர் நடித்திருக்கிறார்கள்.
கிரிஷ் கோபாலகிருஷ்ணன் இசையமைத்திருக்கும் இப்படத்திற்கு கார்த்திக் முத்துக்குமார் ஒளிப்பதிவு செய்திருக்கிறார். பா.விஜய் பாடல்கள் எழுத, செல்வா ஆர்.கே படத்தொகுப்பு செய்கிறார். சாந்தனு ஸ்ரீவஸ்தவ் மற்றும் அக்சத் கில்டியல் கதை எழுதியிருக்கிறார்.
ஜீ ஸ்டுடியோஸ் மற்றும் பேவியூ புராஜெக்ட்ஸ் நிறுவனங்கள் ரோமியோ பிக்சர்ஸ் நிறுவனத்துடன் இணைந்து தயாரித்திருக்கும் இப்படம் முழுக்க முழுக்க குடும்ப நகைச்சுவை திரைப்படமாக உருவாகியுள்ளது.
தற்போது படப்பிடிப்பு முடிவடைந்து பின்னணி வேலைகள் தொடங்கப்பட்டிருக்கும் நிலையில் படக்குழு படத்தின் வெளியீட்டு தேதியை அறிவித்துள்ளது. அதன்படி, வரும் ஜூன் 17 ஆம் தேதி உலகம் முழுவதும் திரையரங்குகளில் ‘வீட்ல விசேஷம்’ திரைப்படம் வெளியாக உள்ளது.
Ex-Supervillan, Gru is all set to create mayhem with Lucy, his adorable children, Margo, Edith and Agnes along with the newest addition, Gru Junior...
கமல்ஹாசன் நடிப்பில், இயக்குநர் ஷங்கர் இயக்கத்தில் லைகா புரொடக்ஷன்ஸ் சார்பில் சுபாஸ்கரன் மற்றும் ரெட் ஜெயண்ட் மூவிஸ் நிறுவனம் சார்பில் உதயநிதி ஸ்டாலின் இணைந்து தயாரித்திருக்கும் ‘இந்தியன் 2’ திரைப்படம் இந்தியா முழுவதும் மிகப்பெரிய எதிர்பார்ப்பை ஏற்படுத்தியுள்ளது...
டெட்பூல் மற்றும் வால்வரின் என்ற சூப்பர் ஹீரோக்களின் கூட்டணி ரசிகர்களின் எதிர்பார்ப்பை அதிகரிக்கச் செய்து அவர்களை உற்சாகப்படுத்தியுள்ளது...