ஒடிடி தளத்தில் வெளியான ‘உடன்பால்’ திரைப்படம் நிகழ்த்திய சாதனை!
Saturday January-07 2023

டி கம்பெனி சார்பில் கே.வி.துரை தயாரிப்பில், அறிமுக இயக்குநர் கார்த்திக் சீனிவாசன் இயக்கத்தில், சார்லி, விவேக் பிரசன்னா, லிங்கா, காயத்ரி, அபர்னதி ஆகியோரது நடிப்பில் ஆஹா தமிழ் ஒடிடி தளத்தில் வெளியான படம் ‘உடன்பால்’ மக்களிடம் மிகப்பெரிய வரவேற்பு பெற்றுள்ளது.

குடும்ப பின்னணியில் இன்றைய சமூகத்தில்  உறவுகள் பணத்திற்காக எந்த எல்லை வரை செல்கிறார்கள் என்பதை அற்புதமான ப்ளாக் காமெடியில் சொல்லியிருந்தது இந்த திரைப்படம்.  மேலும் இன்றைய சமூகத்தில் 

நம் தாய்தந்தையரிடம் நாம் எவ்வாறு நடந்த கொள்ள வேண்டும் என்பதை இப்படம் அழுத்திச் சொல்கிறது.

விமர்சகர்களின் பாராட்டை குவித்த இப்படம், குடும்ப பார்வையாளர்களின் பெரும் வரவேற்பில் ஆஹா தமிழ் தளத்தில் 1 கோடி நிமிடங்களைக் கடந்து சாதனை படைத்துள்ளது. இதனை படக்குழுவினர்  ஆஹா தளத்தின் குழுவினரோடு இணைந்து கேக் வெட்டி கொண்டாடியுள்ளனர். மேலும் ரசிகர்களுக்கும் விமர்சகர்களுக்கும் நன்றியினை தெரிவித்துள்ளனர். 

நேர்த்தியான குடும்ப பொழுதுபோக்கு அம்சங்களுடன், நகைச்சுவை மற்றும் உணர்ச்சிகளின் கலவையும் இணைந்து உருவாகியிருந்த ‘உடன்பால்’ படத்திற்கு மதன் கிறிஸ்டோபர் ஒளிப்பதிவு செய்ய, சக்தி பாலாஜி இசையமைத்திருக்கிறார். கலை இயக்கத்தை எம் எஸ் பி மாதவன் கவனிக்க, படத்தொகுப்புப் பணிகளை ஜி. மதன் செய்திருந்தார்.