Latest News :

தஞ்சை மாவட்டத்தில் நடக்கும் சாதி வன்கொடுமைகள் பற்றி பேச வரும் ‘அம்புநாடு ஒம்பதுகுப்பம்’!
Friday October-13 2023

பி.கே.பிலிம்ஸ் சார்பில் பூபதி கார்த்திகேயன் தயாரித்திருக்கும் படம் ‘அம்புநாடு ஒம்பதுகுப்பம்’. அறிமுக இயக்குநர் ராஜாஜி இயக்கியிருக்கும் இப்படத்தின் நாயகனாக சங்ககிரி மாணிக்கம் நடிக்க, நாயகியாக ஹர்ஷிதா நடித்திருக்கிறார். இவர்களுடன் பிரபு மாணிக்கம், மதன் ரமேஷ் மித்ரன் ஆகியோர் முக்கிய வேடங்களில் நடித்திருக்கிறார்கள்.

 

தஞ்சை மாவட்டத்தில் உள்ள கிராமங்களில் நடந்த சாதி வன்கொடுமைகள் சம்பவங்களை அடிப்படையாக கொண்டு எழுதப்பட்ட ‘ஊரார் வரைந்த ஓவியம்’ என்ற நாவலை மையகாக கொண்டு உருவாகியுள்ள இப்படம், இதுவரை எந்த ஒரு திரைப்படத்திலும் சொல்லாத தஞ்சை மாவட்ட சாதி வன்கொடுமைகள் பற்றி பேசியுள்ளது.

 

இந்த நிலையில், இப்படத்தின் இசை மற்றும் டிரைலர் வெளியீட்டு விழா சமீபத்தில் சென்னை பிரசாத் லேபில் நடைபெற்றது. இதில் இயக்குநர் ஆர்.வி.உதயகுமார், தயாரிப்பாளர் கே.ராஜன், விடுதலை சிறுத்தைகள் கட்சியின் சங்கத்தமிழன், தமிழா தமிழா பாண்டியா, யுடியுப் பிரபலங்கள் மகிழ்னன், மைனர் வீரமணி, பேரலை இந்திரகுமார் ஆகியோர் சிறப்பு விருந்தினர்களாக கலந்துக்கொண்டார்கள்.

 

நிகழ்ச்சியில் பேசிய பிரபலங்கள், தற்போது சாதி பற்றி பேசும் படங்கள் எடுத்தாலே அதை சாதி படம் என்று சொல்வதோடு, இப்போதெல்லாம் சாதி வன்கொடுமைகள் நடப்பதில்லை, என்றும் சொல்கிறார்கள். ஆனால், தற்போது பல கிராமங்களில் சாதி வன்கொடுமைகள், சாதி ஒடுக்குமுறைகள் நடந்துக்கொண்டு தான் இருக்கிறது. அதிலும், தஞ்சை மாவட்டம் என்றாலே, நெல் களஞ்சியம், பெரிய கோவில் பற்றி மட்டுமே பேசுகிறோம், ஆனால் அங்கு நடக்கும் சாதி ஒடுக்குமுறை பற்றி யாரும் பேசுவதில்லை. ‘அம்புநாடு ஒம்பதுகுப்பம்’ உண்மை சம்பவங்களை மையமாக வைத்து உருவாகியுள்ள திரைப்படம் என்பதால், தஞ்சை மாவட்டத்தில் நடக்கும் சாதி ஒடுக்குமுறைகளை வெளி உலகத்திற்கு எடுத்துச் சொல்லும் படமாக  இருக்கும், என்றார்கள்.

 

ஓ.மகேஷ் ஒளிப்பதிவு செய்திருக்கும் இப்படத்தின் பாடல்களுக்கு அந்தோனி தாசன் இசையமைக்க, ஜேம்ஸ் வசந்தன் பின்னணி இசையமைத்திருக்கிறார். பன்னீர் செல்வம் படத்தொகுப்பு செய்ய, லாவரதன், கடல்வேந்தன் ஆகியோர் பாடல்கள் எழுதியுள்ளனர்.

 

கந்தர்வக்கோட்டை, கரம்பகுடி பகுதிகளில் படமாக்கப்பட்டுள்ள ‘அம்புநாடு ஒம்பதுகுப்பம்’ திரைப்படம் அடுத்த மாதம் திரையரங்குகளில் வெளியாக உள்ளது.

Related News

9294

”கண்டிப்பாக உங்களை இந்த நிகழ்வு ஆச்சரியப்படுத்தும்” - உறுதியளித்த பிரபுதேவா
Sunday January-12 2025

இந்தியாவின் மைக்கேல் ஜாக்சன், நடனப் புயல் என்று வர்ணிக்கப்படும் நடிகரும், நடன இயக்குநருமான பிரபுதேவாவின் பிரமாண்டமான நேரடி நடன நிகழ்ச்சி இந்தியாவில் முதல் முறையாக நடக்க உள்ளது...

”பெண்கள் இல்லாமல், நம் உலகம் இல்லை” - நடிகர் ஜெயம் ரவி உருக்கம்
Saturday January-11 2025

கிருத்திகா உதயநிதி இயக்கத்தில், ஜெயம் ரவி, நித்யா மேனன் நடிப்பில் உருவாகியுள்ள ‘காதலிக்க நேரமில்லை’ திரைப்படம் பொங்கல் வெளியீடாக வரும் ஜனவரி 14 ஆம் தேதி உலகம் முழுவதும் திரையரங்குகளில் வெளியாக உள்ளது...

Recent Gallery