நடிகர், இயக்குநர், கவிஞர், எழுத்தாளர், தயாரிப்பாளர் என பன்முகம் கொண்டவரான இ.வி.கணேஷ் பாபு மேப்பில் லீப் புரொடக்ஷன்ஸ் நிறுவனம் சார்பில் தயாரித்து, இயக்கி கதையின் நாயகனாக நடித்திருக்கும் படம் ‘கட்டில்’. தலைமுறைகளின் வாழ்வியலை சொல்லும் எதார்த்த மற்றும் ஜனரஞ்சகமான திரைப்படமாக உருவாகியுள்ள இப்படம் பல்வேறு சர்வதேச திரைப்பட விழாக்களில் பங்கேற்று பல விருதுகளை வென்றுள்ளது.
மேலும், படத்தின் பாடல்கள் மற்றும் முன்னோட்டம் வெளியாகி மக்களிடமும் பெரும் எதிர்பார்ப்பை ஏற்படுத்தியுள்ள இப்படத்தின் திரையரங்க வெளியீட்டு தேதி தற்போது அறிவிக்கப்பட்டுள்ளது. வரும் நவம்பர் மாதம் 24 ஆம் தேதி அதிக எண்ணிக்கையிலான திரையரங்குகளில் ‘கட்டில்’ திரைப்படம் வெளியாகும் என்று படக்குழு அதிகாரப்பூர்வமாக அறிவித்துள்ளது.
சிருஷ்டி டாங்கே கதாநாயகியாக நடித்திருக்கும் இத்திரைப்படத்திற்கு ஸ்ரீகாந்த் தேவா இசையமைத்திருக்கிறார். வைரமுத்து, மதன் கார்க்கி பாடல்கள் எழுதியுள்ளனர்.
தமிழில் மட்டும் இன்றி தெலுங்கு, மலையாளம் மற்றும் கன்னடம் ஆகிய மொழிகளிலும் ‘கட்டில்’ திரைப்படம் வெளியாவது குறிப்பிடத்தக்கது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...