‘போதை ஏறி புத்தி மாறி’ மற்றும் ‘டபுள் டக்கர்’ போன்ற படங்களில் தனது மிரட்டலான நடிப்பு மூலம் பிரபலமடைந்த தீரஜ், நடிப்பில் உருவாகியிருக்கும் அடுத்த படம் ‘பிள்ளையார் சுழி’. மனோகரன் பெரியதம்பி இயக்கும் இப்படத்தை சிலம்பரசி.வி தயாரிக்க, எயர் ஃப்ளிக்ஸ் நிறுவனம் இணை தயாரிப்பை செய்துள்ளது.
உடல் ஊனமுற்ற குழந்தையின் வாழ்க்கையை மையமாகக் கொண்ட ஒரு சுவாரஸ்யமான மற்றும் மகிழ்ச்சிகரமான திரைப்படமாக உருவாகியுள்ள இப்படத்தில் தீராஜ் முன்னணி கதாபாத்திரத்தில் நடிக்க, அபிநயா அவருடன் இணைந்து நடித்துள்ளார். இவர்களுடன் ரேவதி, மைம் கோபி, மேத்தியூ வர்கீஸ், பவர் ஸ்டார் ஸ்ரீனிவாசன், தர்ஷன், ஜீவா ரவி, பழனி தேவி, ஆர்ஜே மகாலட்சுமி போன்ற முக்கிய துணை நடிகர்கள் நடிக்கின்றனர். குழந்தை நட்சத்திரங்கள் உண்ணி கிருஷ்ணன், ஆர்னா, ஃபர்ஹானா, மற்றும் ஸ்ரீ ஷரவண் ஆகியோர் முக்கியக் கதாபாத்திரங்களில் நடித்துள்ளனர்,
திரைப்படக் கல்லூரி மாணவர் பிரசாத் ஒளிப்பதிவு செய்திருக்கும் இப்படத்திற்கு ஹாரி.எஸ்.ஆர் இசையமைக்கிறார். ரேஷ்மன் குமார், மோகன்ராஜா மற்றும் கோதை தேவி ஆகியோர் பாடல்கள் எழுதியுள்ளனர். படத்தின் திருத்தத்தை தயாரிப்பாளர் சிலம்பரசி வி. கவனித்துள்ளார். சத்திய பிரகாஷ், ராகுல் நம்பியார், மற்றும் சூப்பர் சிங்கர் கௌசிக் ஸ்ரீதரன் ஆகியோர் பாடல்கள் பாடியுள்ளனர்.
தற்போது படப்பிடிப்பு முடிவடைந்து பின்னணி வேலைகளில் தீவிரம் காட்டி வரும் படக்குழு இந்த ஆண்டு படத்தை திரையரங்குகளில் வெளியிட திட்டமிட்டுள்ளது.
நியூயார்க் திரைப்பட விழாவில் தேர்ந்தெடுக்கப்பட்டு சமீபத்தில் இறுதிச் சுற்றில் ’பிள்ளையார் சுழி’ திரைப்படம் இடம் பிடித்தது குறிப்பிடத்தக்கது.
அறிமுக இயக்குநர் தமிழரசன் பச்சமுத்து இயக்கத்தில், பிரின்ஸ் பிக்சர்ஸ் சார்பில் தயாரிப்பாளர் லக்ஷ்மன் குமார் தயாரிப்பில், ஹரிஷ் கல்யாண், அட்ட கத்தி தினேஷ், சுவாசிகா விஜய், சஞ்சனா கிருஷ்ணமூர்த்தி ஆகியோரது நடிப்பில் சமீபத்தில் வெளியான ‘லப்பர் பந்து’ விமர்சன ரீதியாகவும், வியாபார ரீதியாகவும் மிகப்பெரிய வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது...
ஜீ5 தளத்தில் வெளியான ’கியாரா கியாரா’ இணையத் தொடர் பெரும் வெற்றி பெற்றதைத் தொடர்ந்து, செப்டம்பர் 20 முதல் இந்த தொடரின் தமிழ் மற்றும் தெலுங்கு மொழிப் பதிப்புகளை வெளியிட்டுள்ளது...
தமிழின் முன்னணி தொலைக்காட்சியான விஜய் டிவியின், பிக்பாஸ் நிகழ்ச்சியின் சீசன் 8 வரும் அக்டோபர் 6 மாலை 6 மணிக்கு கோலாகலமாக துவங்குகிறது...