தமிழகத்தில் அழுத்தமாக காலூன்ற நினைக்கும் பா.ஜ.க தமிழ் சினிமா பிரபலங்களுக்கு தூண்டில் போட்டு வருகிறது. இதுவரை பா.ஜ.க தூண்டிலில் இயக்குநர் கஸ்தூரிராஜா, கங்கை அமரன், நெப்போலியன், காயத்ரி ரகுராம், குட்டி பத்மினி ஆகியோர் சிக்க, தற்போது புதிதாக தயாரிப்பாளர் அழகன் தமிழ்மணி சிக்கியிருக்கிறார்.

ரஜினிகாந்த் நடித்த ‘அன்புள்ள ரஜினிகாந்த், ‘ ’மலையூர் மம்பட்டியான்’, ‘சோலைக்குழி’ போன்ற படங்களை தயாரித்துள்ள அழகன் தமிழ்மணி, ‘நான் கடவுள்’, ‘அழகர்சாமியின் குதிரை’ போன்ற படங்களில் நடித்தும் இருக்கிறார். 

நேற்று மத்திய அமைச்சர் பொன்.ராதாகிருஷ்ணனை சந்தித்து அவர் முன் தன்னை பா.ஜ.க, வில் இணைத்துக் கொண்ட அழகன் தமிழ்மணி, ”பிரதமர் நரேந்திர மோடியின் மக்கள் நலன் சார்ந்த ஆட்சி நிர்வாகம் என்னை வெகுவாகக் கவர்ந்துள்ளது. அதன் காரணமாக என்னை பா.ஜ.க-வில் இணைத்து கொண்டேன்.” என்று கூறியுள்ளார்.