தமிழ் சினிமா மட்டும் இன்றி தெலுங்கு மற்றும் பாலிவுட் சினிமாவை கடந்து ஹாலிவுட்டிலும் தனது வெற்றியை பதிவு செய்து இந்திய சினிமாவின் முன்னணி நடிகராக வலம் வரும் தனுஷ், தயாரிப்பாளர், இயக்குநர், பாடலாசிரியர், பாடகர், கதையாசிரியர் என சினிமாத்துறையின் சகல வித்தைகளிலும் கைதேர்ந்தவர்.

தற்போது, தனுஷ் தனது 50 வது திரைப்படமான ‘ராயன்’ மூலம் மீண்டும் இயக்குநராக மிகப்பெரிய வெற்றி பெற்றிருக்கிறார்.

கடந்த ஜூலை 26 ஆம் தேதி உலகம் முழுவதும் திரையரங்குகளில் வெளியான ‘ராயன்’ திரைப்படம் மக்களிடம் மிகப்பெரிய ஆதரவை பெற்று வெற்றிகரமாக ஓடிக்கொண்டிருக்கிறது.

இந்த நிலையில், வயநாடு நிலச்சரிவு மற்றும் வெள்ள நிவாரணப் பணிகளுக்காக நடிகர் தனுஷ் ரூ.25 லட்சம் நன்கொடை வழங்கியுள்ளார்.