அறிமுக இயக்குநர் ஸ்வினீத் எஸ்.சுகுமார் இயக்கத்தில், ரியோ ராஜ் நாயகனாக நடிக்கும் படம் ‘ஸ்வீட் ஹார்ட்’. இதில் நாயகிகளாக கோபிகா ரமேஷ் நடிக்கிறார். இவர்களுடன் ரஞ்சி பணிக்கர், ரெடிங் கிங்ஸ்லி, அருணாச்சலம், பெளசி, சுரேஷ் சக்கரவர்த்தி, துளசி உள்ளிட்ட பலர் நடித்திருக்கிறார்கள். 

இப்படத்திற்கு இசையமைத்திருப்பதோடு, ஒய்.எஸ்.ஆர் பிலிம்ஸ் நிறுவனம் சார்பில் யுவன் சங்கர் ராஜா தயாரிக்கவும் செய்திருக்கிறார். பாலாஜி சுப்பிரமணியம் ஒளிப்பதிவு செய்திருக்கும் இந்த திரைப்படத்திற்கு சிவசங்கர் கலை இயக்கத்தை மேற்கொள்ள, படத்தொகுப்பு பணிகளை தமிழரசன் கவனிக்கிறார்.

இப்படத்தின் படப்பிடிப்பு பணிகள் நிறைவடைந்து பின்னணி வேலைகளில் படக்குழு ஈடுபட்டு வந்த நிலையில், தற்போது டப்பிங் பணிகளை தொடங்கியுள்ளது. நாயகன் ரியோ ராஜ் தனது காட்சிகளுக்கு டப்பிங் பேசும் புகைப்படத்தை வெளியிட்டு இதனை படக்குழு அறிவித்துள்ளது.