அறிமுக இயக்குநர் விக்னேஷ் ஸ்ரீகாந்த் இயக்கும் படத்தில் அர்ஜுன் தாஸ் - அதிதி ஷங்கர் முதல் முறையாக ஜோடி சேர்ந்துள்ளனர். ’குட் நைட்’, ‘லவ்வர்’ போன்ற படங்களை தயாரித்த மில்லியன் டாலர் ஸ்டுடியோஸ் சார்பில் யுவராஜ் கணேசன் தயாரிக்கும் இப்படத்தை ஃபிண்டேமேக்ஸ் நிறுவனம் சார்பில் வி.ஆர்.வம்சி இணை தயாரிப்பு செய்கிறார். அரவிந்த் விஸ்வநாதன் ஒளிப்பதிவு செய்யும் இந்த திரைப்படத்தின் படத்தொகுப்பு பணிகளை நாஷ் மேற்கொள்கிறார். ராஜ் கமல் கலை இயக்கத்தை கவனிக்க, நவா ராஜ்குமார் ஆடை வடிவமைப்பாளராக பணியாற்றுகிறார்.  

ஃபீல் குட் திரைப்படங்களை தொடர்ந்து தயாரித்து, தரமான பட தயாரிப்பு நிறுவனம் என்ற முத்திரையை பதித்து, திரையுலக வணிகர்களிடையேயும் நன்மதிப்பை பெற்றிருக்கும்  தயாரிப்பாளரும், தன்னுடைய காந்த குரலாலும், தனித்துவமான நடிப்பாலும் ரசிகர்களிடம் பிரபலமாகி இருக்கும் அர்ஜுன் தாஸ் - அதிதி ஷங்கர் முதன்முறையாக இணைவதாலும், இந்த திரைப்படத்திற்கு ரசிகர்களிடையே ஆரவாரமான எதிர்பார்ப்பு எழுந்திருக்கிறது.

இந்த நிலையில், இப்படத்தின் படப்பிடிப்பு எளிமையான பூஜையுடன் தொடங்கியது.