ரசிகர்களிடம் பெரும் வரவேற்பு பெற்ற குக் வித் கோமாளி நிகழ்ச்சியின் மூலம் பிரபலமானவர் அஸ்வின். இவர் சில விளம்பர படங்களில் நடித்ததோடு, சில திரைப்படங்களில் சிறு சிறு வேடங்களிலும் நடித்திருக்கிறார். குக் வித் கோமாளி நிகழ்ச்சியின் மூலம் மக்களிடம் பிரபலமாகியிருக்கும் அஸ்வினுக்கு பெண் ரசிகைகள் அதிகரித்து வருகிறார்கள்.

இந்த நிலையில், நேற்று இரவு சென்னை ஆழ்வார்பேட்டையில் உணவகம் திறப்பு நிகழ்ச்சியில் கலந்துக் கொண்ட அஸ்வினை, பார்ப்பதற்காகவும், அவருடன் புகைப்படம் எடுத்துக் கொள்வதற்காகவும் ஏராளமான இளம் பெண்கள் அங்கு குவிந்தனர். இதனால், அந்த பகுதியில் போக்குவரத்து நெரிசல் ஏற்பட்டது.

மேலும், அஸ்வினை பார்த்து, அவருடன் செல்பி எடுக்காமல் செல்ல மாட்டோம், என்று அடம்பிடித்து அந்த இடத்தில் பல இளம் பெண்கள் காத்துக் கொண்டிருந்ததோடு, “அஸ்வின்...அஸ்வின்...” என்று கத்திக்கொண்டும் இருந்தனர். இதில் சில பெண்கள் அஸ்வினை பார்த்ததோடு, அவர் முன்பு நடனம் ஆடுகிறேன், பாட்டு பாடுகிறேன், என்று அவரை படாதபாடு படுத்த, மனுஷன் அந்த இடத்தில் இருந்து கோமாளியை போல தெறித்து ஒடிவிட்டார்.

இதோ அந்த தெறி வீடியோ,