பள்ளிக்காலத்தின் அழகான நினைவுகளையும், பள்ளிகால வாழ்க்கையை பிரதிபலிக்கும் திரைப்படமாக உருவாகிறது ’பாபா பிளாக் ஷீப்’. ரோமியோ பிக்சர்ஸ் சார்பில் ராகுல் தயாரிக்கும் இப்படத்தின் மூலம் பேச்சாளர் ராஜ் மோகன் இயக்குநராக அறிமுகமாகிறார்.

ஆர்ஜே விக்னேஷ் காந்த், அயாஸ், நரேந்திர பிரசாத் மற்றும் பிளாக் ஷீப் குழுவினர் முதன்னை கதாபாத்திரத்தில் நடிக்கும் இப்படத்திற்கு சந்தோஷ் தயாநிதி இசையமைக்கிறார். சுதர்சன் ஸ்ரீனிவாசன் ஒளிப்பதிவு செய்கிறார்.

விஜய் வேலுக்குட்டி படத்தொகுப்பு செய்ய, மாதவன் கலை இயக்குநராக பணியாற்றுகிறார். ஸ்டன்னர் சாம் சண்டைக்காட்சிகளை வடிவமைக்க, அசார் நடனம் அமைக்கிறார். யுகபாரதி, ஏ.பி.ஏ.ராஜா, வைசாக் ஆகியோர் பாடல்கள் எழுதுகிறார்கள்.

இன்று பூஜையுடன் தொடங்கிய ‘பாபா பிளாக் ஷீப்’ திரைப்படத்தை 2023 ஆம் ஆண்டு கோடை விடுமுறையில் வெளியிட படக்குழு திட்டமிட்டுள்ளது.