’சித்தி’ தொலைக்காட்சி தொடர் மூலம் நடிகராக அறிமுகமான டேனியல் பாலாஜி, சூர்யாவின் ‘காக்க காக்க’ படத்தின் மூலம் வெள்ளித்திரையில் நடிகராக அறிமுகமானார். அப்படத்தை தொடர்ந்து கமல்ஹாசனின் ‘வேட்டையாடு விளையாடு’ படத்தில் வித்தியாசமான நடிப்பின் மூலம் மிரட்டியவர், தொடர்ந்து பல படங்களில் வித்தியாசமான கதாபாத்திரங்களில் நடித்து தமிழ் சினிமாவில் தனக்கென்று தனி இடம் பிடித்தார்.

இந்த நிலையில், நடிகர் டேனியல் பாலாஜிக்கு நேற்று திடீரென்று மாரடைப்பு ஏற்பட்டுள்ளது. இதை தொடர்ந்து சென்னை கொட்டிவாக்கத்தில் உள்ள தனியார் மருத்துவமனையில் அவர் அனுமதிக்கப்பட்டுள்ளார். அங்கு தீவிர சிகிச்சை அளிக்கப்பட்டு வந்த நிலையில், சிகிச்சை பலன் இன்றி அவர் உயிரிழந்தார்.