‘வலிமை’ படத்தை தொடர்ந்து மீண்டும் எச்.வினோத் இயக்கத்தில் அஜித் நடித்து வருகிறார். இயக்குநர் எச்.வினோத் - அஜித் கூட்டணியின் மூன்றாவது படமான இப்படத்தையும் போனி கபூரே தயாரிக்கிறார். அஜித்தின் 61 வது படமாக உருவாகும் இப்படத்திற்குப் பிறகு அவரது 62 வது படத்தை விக்னேஷ் சிவன் இயக்க இருக்கிறார். இதற்கான அறிவிப்பு வெளியாகி விட்ட நிலையில், அஜித்தின் 63 வது படம் பற்றிய தகவல்களும் கோலிவுட்டில் பரவி வருகிறது.

சிறுத்தை சிவா இயக்க இருப்பதாக சொல்லப்படும் இந்த படத்தை சன் பிக்சர்ஸ் நிறுவனம் தயாரிக்க இருப்பதாகவும் தகவல் வெளியாகியுள்ளது. ஆனால், இது பற்றி அதிகாரப்பூர்வமான தகவல் இதுவரை வெளியாகவில்லை.

இந்த நிலையில், அஜித்தின் பிறந்தநாளான நாளை (மே 1) அவரது 61 வது படத்தின் தலைப்பு மற்றும் 63 வது படத்தின் அதிகாரப்பூர்வ அறிவிப்பு வெளியாக இருப்பதாக சொல்லப்படுகிறது. இந்த தகவலால் அஜித் ரசிகர்கள் மகிழ்ச்சியடைந்துள்ளனர்.