டிவிட்டர் பக்கத்தில் தொடர்ந்து அரசியல் பேசி வந்த கமல்ஹாசன், தற்போது நேரடியாக அரசியல் பேசுவதோடு, தான் ஆட்சி அதிகாரத்தில் அமர வேண்டும், என்ற தனது ஆசையையும் வெளிப்படையாக கூறியதோடு, விரைவில் தனது புதிய கட்சி குறித்து அறிவிப்பேன், என்றும் தெரிவித்துள்ளார்.

இந்த நிலையில், கமல்ஹாசனின் பிறந்தநாளான நவம்பர் 7 ஆம் தேதி அவர், புதிய அரசியல் கட்சி குறித்து அறிவிக்க உள்ளதாக தகவல் வெளியானது. இந்த தகவல் வேகமாக பரவி பல ஊடகங்களில் செய்தியாக வெளியானது.

இது குறித்து விளக்கம் அளித்துள்ள நடிகர் கமல்ஹாசன், “ஊடக உந்தல் கருதி கட்சியை அறிவிக்க முடியாது. நவம்பர் 7 இயக்கத்தார் கூடுவது எம் பலவருட வழக்கம். பொது அறிவிப்புகள் மக்கள் மன்றத்திலேயே நடக்கும்'' தனது ட்விட்டர் பக்கத்தில் தெரிவித்துள்ளார்.