நடிகரும் மக்கள் நீதி மய்யம் கட்சியின் தலைவருமான கமல்ஹாசன், தற்போது ‘விக்ரம்’ திரைப்படத்தில் நடித்து வருகிறார். லோகேஷ் கனகராஜ் இயக்கும் இப்படத்தில் ஃபஹத் பாசில், விஜய் சேதுபதி உள்ளிட்ட பலர் முக்கிய கதாப்பாத்திரத்தில் நடிக்கிறார்கள்.

இந்த நிலையில், ’விக்ரம்’ படப்பிடிப்பு தளத்தில் நடிகர் கமல்ஹாசன், கேக் வெட்டி தனது பிறந்தநாளை கொண்டாடினார். இதில், இயக்குநர் லோகேஷ் கனகராஜ், நடிகர் ஃபஹத் பாசில், நடன இயக்குநர் சாண்டி, நடிகை காயத்ரி, ஒளிப்பதிவாளர் கிரிஷ் கங்காதரன், ராஜ்கமல் பிலிம்ஸ் நாராயணன், இணை தயாரிப்பாளர் மஹேந்திரன் மற்றும் படக்குழுவினர் பங்கேற்றனர்.

நவம்பர் 7 ஆம் தேதி தான் நடிகர் கமல்ஹாசனின் பிறந்தநாள் என்றாலும், நவம்பர் 1 ஆம் தேதி முதல் 7 ஆம் தேதி வரை ஒரு வாரத்திற்கு அவருடைய பிறந்தநாளை கொண்டாட ரசிகர்களும், மக்கள் நீதி மய்யம் கட்சியின் தொண்டர்களும் முடிவு செய்துள்ளனர் என்பது குறிப்பிடத்தக்கது.