‘லவ் இன்சூரன்ஸ் கம்பெனி’ படத்தின் முதல் பார்வை மற்றும் தலைப்பு வெளியானது!
![‘லவ் இன்சூரன்ஸ் கம்பெனி’ படத்தின் முதல் பார்வை மற்றும் தலைப்பு வெளியானது!](https://www.cinemainbox.com/assets/news_images/67e49e083368068363ddb85a83edfb0d.jpg)
இயக்குநர் விக்னேஷ் சிவன் இயக்கத்தில், ‘லவ் டுடே’ புகழ் பிரதீப் ரங்கநாதன் நடிக்கும் படம் ‘லவ் இன்சூரன்ஸ் கம்பெனி’ (LIK).கிரித்தி ஷெட்டி நாயகியாக நடிக்கும் இப்படத்தில் எஸ்.ஜே.சூர்யா, சீமான், யோகி பாபு, ஆனந்தராஜ், மாளவிகா, சுனில் ரெட்டி உள்ளிட்ட பலர் நடிக்கிறார்கள்.
இன்றைய இளம் இணைய தலைமுறையினரின் காதலை நகைச்சுவையுடன் சொல்லும் படைப்பாக உருவாகி வரும் இப்படத்தை 7 ஸ்கிரீன் ஸ்டுடியோஸ் மற்றும் ரவுடி பிக்சர்ஸ் ஆகிய நிறுவனங்கள் இணைந்து தயாரித்திருக்கிறது. எல்.கே. விஷ்ணு குமார் இணை தயாரிப்பை கவனிக்கிறார். சத்யன் சூரியன் ஒளிப்பதிவு செய்யும் இப்படத்திற்கு அனிருத் இசையமைக்கிறார். பிரதீப் ஈ.ராகவ் படத்தொகுப்பு செய்கிறார்.
இந்த நிலையில், படத்தின் நாயகன் பிரதீப் ரங்கநாதனின் பிறந்தநாளை முன்னிட்டு ‘காதல் இன்சூரன்ஸ் கம்பெனி’ படத்தின் முதல் பார்வை மற்றும் தலைப்பு இன்று வெளியிடப்பட்டுள்ளது. இதில் ரசிகர்கள் எதிர்பார்க்காத வகையில் 'லவ் டுடே' பிரதீப் ரங்கநாதனின் தோற்றம் வடிவமைக்கப்பட்டிருப்பதால் இணையவாசிகளிடம் பெரும் வரவேற்பைப் பெற்று வருகிறது.