‘கோலமாவு கோகிலா’ திரைப்படத்தை தொடர்ந்து நயன்தாரா - யோகி பாபு கூட்டணியில் உருவாகும் படம் ‘மண்ணாங்கட்டி சின்ஸ் 1960’. அறிமுக இயக்குநர் டியூட் விக்கி எழுதி இயக்கும் இப்படத்தை பிரின்ஸ் பிக்சர்ஸ் சார்பில் எஸ்.லக்‌ஷ்மண் குமார் தயாரிக்கிறார்.

நயன்தாரா முதன்மை வேடத்தில் நடிக்கும் இப்படத்தில் யோகி பாபு, தேவதர்ஷினி, கௌரி கிஷன், நரேந்திர பிரசாத் உள்ளிட்ட பலர் முக்கிய கதாபாத்திரத்தில் நடிக்கிறார்கள். ஆர்.டி.ராஜசேகர் ஒளிப்பதிவு செய்யும் இப்படத்திற்கு ஷான் ரோல்டன் இசையமைக்கிறார். படத்தொகுப்பை ஜி.மதன் கவனிக்கிறார். இப்படத்தின் படப்பிடிப்பு விரைவில் தொடங்க இருக்கிறது.

இந்த நிலையில், இப்படத்தின் ஃபர்ஸ்ட் லுக் மற்றும் மோஷன் போஸ்டரை படக்குழு வெளியிட்டுள்ளனர்.