அறிமுக இயக்குநர் ஹாரூன் இயக்கத்தில், சைக்கோ திரில்லர் ஜானரில் உருவாகும் படத்தில் நட்டி நாயகனாக நடிக்கிறார். ட்ரீம் ஹவுஸ் புரொடக்‌ஷன்ஸ் சார்பில் வி.எம்.முனிவேலன் தயாரிக்கும் இப்படத்தின் படப்பிடிப்பு இன்று சென்னையில் பூஜையுடன் தொடங்கியது.

இப்படத்தில் நான்கு நாயகிகள் நடிக்க இருக்கிறார்கள். இதற்காக முன்னணி நடிகைகளிடம் பேச்சு வார்த்தை நடைபெற்று வருகிறதாம். இவர்களுடன் நந்தினி, சாஷ்வி பாலா, ப்ரீத்தி ஆகியோரும் நடிக்கிறார்கள்.

கார்த்திக் ராஜா இசையமைக்கும் இப்படத்திற்கு கிறிஸ்டோபர் ஒளிப்பதிவு செய்கிறார். சுதர்சன் படத்தொகுப்பு செய்ய, கலையை அருண் நிர்மாணிக்கிறார். சாண்டி நடன இயக்குநராக பணியாற்றுகிறார். டோரத்தி ஜெய் ஆடை வடிவமைப்பாளராக பணியாற்ற, தயாரிப்பு மேற்பார்வையாளராக எம்.எஸ்.லோகநாதன் பணியாற்றுகிறார். மக்கள் தொடர்பாளர் பணியுடன், நிர்வாக தயாரிப்பு பணியையும் கே.எஸ்.கே.செல்வா கவனிக்கிறார்.