கே.வி.அனுதீப் இயக்கத்தில் சிவகார்த்திகேயன் நடிப்பில் தீபாவளி வெளியீடாக வெளியான திரைப்படம் ‘பிரின்ஸ்’. காமெடி ஜானர் திரைப்படமான இப்படத்தில் உக்ரைன் நாட்டு நடிகை மரியா ரியாபோஷப்கா நாயகியாக நடித்திருக்கிறார். மேலும், சத்யராஜ் முக்கிய வேடத்தில் நடித்திருக்கிறார்.

பள்ளி ஆசிரியராக இருக்கும் சிவகார்த்திகேயன், அதே பள்ளியில் ஆங்கில ஆசிரியராக இருக்கும் பிரிட்டிஷ் நாட்டு பெண்ணை காதலிக்கிறார். அவர்களின் காதலுக்கு வரும் எதிர்ப்புகளை மையப்படுத்திய காமெடி ரொமாண்டிக் திரைப்படமாக உருவாகியுள்ள இப்படம் திரையரங்குகளில் வெளியாகி ரசிகர்களை வெகுவாக கவர்ந்ததோடு, வசூலிலும் பெரிய வரவேற்பு பெற்றது.

இந்த நிலையில், பிரபல ஒடிடி தளமான டிஸ்னி பிளஸ் ஹாட்ஸ்டாரில் வரும் நவம்பர் 25 ஆம் தேதி முதல் ‘பிரின்ஸ்’ திரைப்படத்தை உலகம் முழுவதும் காணலாம்.