ரஜினிகாந்த் நடிப்பில், ‘ஜெய் பீம்’ பட புகழ் இயக்குநர் த.செ.ஞானவேல் இயக்கத்தில், லைகா புரொடக்‌ஷன்ஸ் சுபாஸ்கரன் தயாரிப்பில் உருவாகும் ‘வேட்டையன்’ படத்தின் முதல் பாடலான “மனசிலாயோ...” பாடல் வெளியாகி மிகப்பெரிய வரவேற்பை பெற்றுள்ளது. 

சமகால மற்றும் பாரம்பரிய தமிழ் மற்றும் மலையாள இசையில் வேரூன்றிய ஒரு இசையமைப்பை உருவாக்கியுள்ளார் இசையமைப்பாளர் அனிருத், மேலும் இது இளைய தலைமுறை மற்றும் பாரம்பரிய இசை பிரியர்களுக்கு ஒரு விருந்தாக அமைகிறது. இந்தப் பாடலானது செயற்கை நுண்ணறிவு தொழில்நுட்பத்தை பயன்படுத்தி புகழ்பெற்ற பாடகர் 'மலேசியா' வாசுதேவனின் சக்திவாய்ந்த குரலால் உருவாக்கப் பட்டுள்ளது, மேலும் அவரது குரலுடன் யுகேந்திரன் மற்றும் தீப்தி சுரேஷ் ஆகியோரின் குரல்கள் 'சூப்பர்' சுப்பு மற்றும் விஷ்ணு எடவன் ஆகியோரது வரிகளுக்கு உயிரூட்டியுள்ளது.

இந்த முதல் பாடல் சமூக ஊடகங்களில் வெளியாகி  ஏற்கனவே நேர்மறையான ஆதரவை பெற்றுள்ளது, ரசிகர்கள் பாடலின் உற்சாகமூட்டும் தாளத்தையும் கலைஞர்களின் கிளர்ச்சியூட்டும் பாட்டு திறனையும் பாராட்டியுள்ளனர். வெளியான சில மணி நேரங்களிலேயே, இந்த பாடல் தரவரிசையில் உயர்ந்ததோடு மட்டுமல்லாமல் பல்வேறு தளங்களில் பிரபலமடைந்து வருகிறது.

இத்திரைப்படத்தில் பிரமிப்பூட்டும் வகையில் பாலிவுட் 'மெகா ஸ்டார்' அமிதாப் பச்சன், மஞ்சு வாரியர், ஃபஹத் ஃபாசில், ராணா டகுபதி, ரித்திகா சிங், துஷாரா விஜயன், ரோகிணி மற்றும் அபிராமி உள்ளிட்ட பல முன்னணி நட்சத்திரங்கள் முக்கிய வேடங்களில் நடித்திருக்கிறார்கள். 

தமிழ், தெலுங்கு, கன்னடம் மற்றும் இந்தி ஆகிய மொழிகளில் வரும் அக்டோபர் 10 ஆம் தேதி வெளியாக உள்ள ‘வேட்டையன்’ படத்தின் மீதான  எதிர்பார்ப்பை “மனசிலாயோ...” பாடல் அதிகரித்துள்ளது.