திரைப்பட நடிகராகவும், தயாரிப்பாளராகவும் வலம் வரும் உதயநிதி ஸ்டாலின், நடந்து முடிந்த சட்டமன்ற தேர்தலில் சேப்பாக்கம் - திருவல்லிக்கேனி தொகுதியில் போட்டியிட்டு வெற்றி பெற்றார். இதுவரை எந்த ஒரு சட்டமன்ற உறுப்பினர்களும் மேற்கொள்ளாத வகையில் தனது அதிரடி நடவடிக்கைகளால் எம்.எல்.ஏ-க்களின் சூப்பர் ஸ்டாராக திகழும் உதயநிதிக்கு சேப்பாக்கம் - திருவல்லிக்கேனி தொகுதி மக்கள் கோவில் மட்டும் தான் கட்டவில்லை, அதை தவிர்த்து அவரை ஒரு கடவுள் அவதாரமாகவே பாவித்து வருகிறார்கள்.

இப்படி தனது தொகுதி மக்களின் பேராதரவை பெற்றிருக்கும் உதயநிதி, தனது சினிமாதுறையில் உள்ளவர்களுக்கும் கடந்த ஆண்டு கொரோனா தொற்றின் போது பல உதவிகளை செய்தார்.

இந்த நிலையில், கொரோனா இரண்டாவது அலையால் பெரிதும் பாதிக்கப்பட்டுள்ள சினிமாதுறையினருக்கு மீண்டும் உதவி செய்ய தொடங்கியிருக்கிறார். அதன்படி, திரையரங்கு பிரதிநிதிகள் மற்றும் மீடியேட்டர்கள் சங்கத்தை சேர்ந்த 300 உறுப்பினர்களுக்கு அரிசி, பருப்பு உள்ளிட்ட அத்தியாவாசிய பொருட்கள் அடங்கிய மளிகை பொருட்கள் தொகுப்பை தனது ரெட் ஜெயண்ட் மூவிஸ் நிருவனம் சார்பில் இன்று வழங்கினார்.

இந்த நிகழ்வில், ரெட் ஜெயண்ட் மூவிஸ் நிறுவனத்தின் இணை தயாரிப்பாள செண்பகமூர்த்தி, விநியோக நிர்வாகி சி.ராஜா, தயாரிப்பு நிர்வாகி இ.ஆறுமுகம் ஆகியோரும் உடன் இருந்தனர்.