மாநாடு, மன்மத லீலை என்று அடுத்தடுத்த இரண்டு வெற்றிப் படங்களை கொடுத்த இயக்குநர் வெங்கட் பிரபு தனது அடுத்த படத்திற்காக நாக சைதன்யாவுடன் இணைகிறார். தமிழ் மற்றும் தெலுங்கு என இரு மொழிகளில் உருவாகும் இப்படம் மூலம் வெங்கட் பிரபு தெலுங்கு சினிமாவில் அறிமுகமாகிறார்.

நாக சைதன்யாவின் 22 வது படமாக உருவாகும் இப்படம் இயக்குநர் வெங்கட் பிரபு இயக்கும் 11 வது படமாகும். ஸ்ரீனிவாசா சில்வர் ஸ்கிரீன் நிறுவனம் சார்பில் ஸ்ரீனிவாசா சித்தூரி தயாரிக்கும் இப்படத்தை, பவன் குமார் வழங்குகிறார்.

இன்னும் தலைப்பு வைக்கப்படாத இப்படம் மூலம் தமிழ் சினிமாவில் நாக சைதன்யா அறிமுகமாகிறார். மிகப்பெரிய பட்ஜெட்டில் உருவாகும் இப்படத்தில் முன்னணி நட்சத்திரங்களும், முன்னணி தொழில்நுட்ப கலைஞர்களும் பணியாற்ற உள்ளனர்.

இப்படத்தின் அதிகாரப்பூர்வ அறிவிப்பு வெளியாகியுள்ள நிலையில், படம் பற்றிய மற்ற விவரங்களை படக்குழு விரைவில் வெளியிட உள்ளது.