ஏழை மாணவர்கள், விவசாயிகள் உள்ளிட்ட பல தரப்பினருக்கும், சினிமாத்துறையைச் சேர்ந்தவர்களுக்கும் நடிகர் விஜய் சேதுபதி, சத்தமில்லாமல் பல்வேறு உதவிகளை செய்து வருகிறார். அதன்படி, சிறுமி ஒருவரின் மருத்துவ செலவுக்காக ரூ.20 லட்சம் நன்கொடை வழங்கியுள்ளார்.

குமாரபாளையம் பகுதியை சேர்ந்த பாரதி என்ற குழந்தை எஸ்.எம்.ஏ என்று சொல்லக்கூடிய ஜெனடிக் டிசாடர் (Genetic Disorder) என்ற நோயினால் பாதிக்கப்பட்டுள்ளார். இக்குழந்தையை குணப்படுத்துவதற்காக சிகிச்சைக்கு ரூ.16 கோடி தேவைப்படுகிறது. இதற்காக பாரதி குழந்தையின் பெற்றோர்கள் மற்றும் சில தொண்டு நிறுவனங்கள் மக்களிடம் நிதி திரட்டி வருகிறார்கள்.

இந்த நிலையில், நடிகர் விஜய் சேதுபதி, பாரதி குழந்தையின் மருத்துவ செலவுக்காக ரூ.20 லட்சம் நிதி வழங்கியுள்ளார். நிதி வழங்கிய நடிகர் விஜய் சேதுபதிக்கு பாரதி குழந்தையின் பெற்றோர்கள் நன்றி தெரிவித்துள்ளனர்.