வித்யுத் ஜமால் நடித்திருக்கும் ஹாலிவுட் திரைப்படம் ‘ஸ்ட்ரீட் ஃபைட்டர்’ டிரைலர் வெளியானது

பாரமவுண்ட் பிக்சர்ஸ், லெஜண்டரி என்டர்டெயின்மென்ட் மற்றும் கேப்காம் இணைந்து தயாரித்துள்ள ‘ஸ்ட்ரீட் ஃபைட்டர்’ ஆக்‌ஷன் திரைப்படத்தில் ஹாலிவுட் பிரபலங்கள் நோவா செண்டினியோ, ஜேசன் மோமோவா, ஆண்ட்ரூ கோஜி ஆகியோருடன் பிரபல பாலிவுட் நடிகர் வித்யுத் ஜமாலும் இணைந்துள்ளார். அவர் புகழ்பெற்ற யோகா குரு தல்சிம் கதாபாத்திரத்தில் நடித்திருக்கிறார்.

இந்தியாவில் வரும் அக்டோபர் 16 ஆம் தேதி வெளியாக உள்ள ‘ஸ்ட்ரீட் ஃபைட்டர்’ படத்தின் டிரைலர் வெளியாகி ரசிகர்களை வெகுவாக கவர்ந்துள்ளது. திரையரங்குகளில் ரசிகர்களை இருக்கை நுனியில் அமர வைக்கும் வகையில் அதிரடி ஆக்சன் காட்சிகளோடு இந்த டிரெய்லர் தற்போது வெளியாகி உள்ளது.

1993 ஆம் ஆண்டை பின்னணியாகக் கொண்ட இந்தக் கதையில், பிரிந்துபோன போர்வீரர்களான ரியூ (ஆண்ட்ரூ கோஜி) மற்றும் கென் மாஸ்டர்ஸ் (நோவா சென்டினியோ) மீண்டும் போர்க்களத்தில் களமிறங்க வேண்டிய சூழ்நிலை உருவாகிறது. மர்மம் நிறைந்த சுன்-லி (கலினா லியாங்), அடுத்த வேர்ல்ட் வாரியர் டோர்னமென்ட்டில் பங்கேற்க அவர்களை அழைக்கிறார். விதி மற்றும் கோபத்துடன் மோதும் இந்த கொடூரமான போட்டியின் பின்னால் உயிருக்கு ஆபத்தான ஒரு சதித்திட்டம் மறைந்துள்ளது. அது ரியூ மற்றும் கெனை ஒருவருக்கு ஒருவர் எதிராக நிற்கவும், தங்களின் கடந்தகால இருண்ட நினைவுகளை எதிர்கொள்ளவும் கட்டாயப்படுத்துகிறது. அவர்கள் தோல்வியடைந்தால் ஆட்டம் முடிந்தது.

இயக்குநர் கிடாவோ சகுராய் இயக்கியுள்ள ‘ஸ்ட்ரீட் ஃபைட்டர்’, ஆர்கேட் விளையாட்டின் பரபரப்பை ஹடூகன், ரவுண்ட்ஹவுஸ் கிக்குகள் மற்றும் ரசிகர்களின் விருப்பமான கதாபாத்திரங்களுடன் வெள்ளித்திரைக்கு கொண்டு வருகிறது.