நவம்பர் 6 ஆம் தேதி ஜீ5 ஓடிடி தளத்தில் வெளியாகும் ‘லாஸ்ட் மேன் இன் டவர்’!

நடிகர் ராணா டகுபதியின் ஸ்பிரிட் மீடியா தயாரிப்பில், பென் ரேகி இயக்கத்தில் உருவாகியுள்ள திரைப்படம் ‘லாஸ்ட் மேன் இன் டவர்’. மனோஜ் பாஜ்பாய், போமன் இரானி, திவ்யா தத்தா ஆகியோர் முதன்மை கதாபாத்திரங்களில் நடித்திருக்கும் இப்படம், தான் நேசிக்கும் வீட்டைப் பாதுகாப்பதற்காக ஒட்டுமொத்த அடுக்குமாடிக் குடியிருப்புச் சங்கத்திற்கும் எதிராகத் தனி மனிதராகப் போராடும் ஒருவரின் கதையைச் சொல்கிறது.

தொடர்ந்து மாறிக்கொண்டிருக்கும் ஒரு நகரத்தில், சில விஷயங்களை விட்டுப் பிரிவது மற்றவற்றை விட மிகவும் கடினமானது. மும்பையில் உள்ள தனது அடுக்குமாடிக் குடியிருப்பை காலி செய்ய மறுக்கும் ஓய்வுபெற்ற ஆசிரியரைப் பற்றிய விறுவிறுப்பான இந்தத் திரைப்படம், மறுமேம்பாட்டுத் திட்டத்தின் மூலம் கிடைக்கும் பெரும் தொகையைப் பொருட்படுத்தாமல் அவர் தனது நிலைப்பாட்டில் உறுதியாக இருப்பதை மையமாகக் கொண்டுள்ளது.

அரவிந்த் அடிகா எழுதிய அதே பெயரிலான நாவலை மையமாக வைத்து உருவாகியுள்ள இத்திரைப்படம் வரும் நவம்பர் 6 ஆம் தேதி ஜீ5 இந்தி ஓடிடி தளத்தில் நேரடியாக வெளியாகிறது.

மாறிவரும் மும்பை நகரத்தின் பின்னணியில் உருவாகியுள்ள இந்தத் திரைப்படம், மனிதர்களுக்கும் அவர்களின் வீடுகளுக்கும் இடையிலான உணர்வுப்பூர்வமான பிணைப்பு, மனித உறவுகளின் சிக்கல்கள் மற்றும் கடந்த காலத்திற்கும் மாற்றத்திற்கான வாக்குறுதிக்கும் இடையே ஏற்படும் கடினமான தேர்வுகள் ஆகியவற்றை ஆராய்கிறது. ஆழமான நடிப்பும், நடுத்தர வர்க்கத்தினரின் ஆசைகள் குறித்த நுட்பமான சித்தரிப்பும் கொண்ட ‘லாஸ்ட் மேன் இன் டவர்’, ஒரு தனிநபரின் கொள்கைகள் ஒட்டுமொத்த சமூகத்தின் எதிர்பார்ப்புகளுடன் மோதும்போது என்ன நடக்கிறது என்பதை எடுத்துரைக்கிறது.